Langos

Kerakli masalliqlar:

1 osh qoshiq quruq hamirturush
2 dl iliq sut
1 choy qoshiq tuz
5 dona qaynatilgan kartoshka
7 dl + yoyish uchun un

qovurish uchun yog´

1 dona qizil piyoz

3 osh qoshiq qaymoq yoki smetana

ukrop

tuz va murch

Qaynatilgan kartoshkani qirg´ichdan o´tkazib olamiz. Hamirturush, tuz solib aralashtiramiz. Un va iliq sutni solib hamir qoriymiz.

HAmirni oshirish uchun olib qo´yamiz. Alohida idishga smetana solib to´g´ralgan piyoz, ukrop, tuz va murch qo´shib aralashtiramiz. Yarim to´g´ralgan piyozni va ozroq ukropdan yasatish uchun olib qo´yamiz.

Oshib chiqgan hamirlarni olmadek kattalikda zuvalachalar qilib olamiz va yana oshirishga qo´yamiz. Oshib chiqgandan so´ng 3 cm qalinlikda yoyib olamiz. Hohishga qarab yumaloq yoki uzunchoq yoyish mumkin.

Qozonga ko´proq yog´olib qizdirib olamiz va har ikkala tarafini qizarguncha pishirib olamiz.

Pishib chiqgan langoslarni kattaroq idishga solib olamiz. Ustiga bir osh qoshiqdan  qaymoqli sousdan va piyoz, ukropdan sepib dasturxonga tortamiz.

Langos Vengerya taomi bo´lib asosan fast food hisobida tanovvul qilinadi va festevallarda tezpishar taom hisobida tayyorlanadi. Bu taomni issiq va sovuq holida ham beamlol tanovvul qilish mumkin.

Fikr bildirish

Email manzilingiz chop etilmaydi.

This site uses Akismet to reduce spam. Learn how your comment data is processed.