oshxona.net
Quyuq taomlar

Mantiqozonda chuchvara

Kerakli masalliqlar.

Hamir uchun: 200ml suv. 500 gram un, 2 choy qoshiq tuz, 1 dona tuhum kerak bo´ladi.

Qiymasiga: 300 gram mol go´shti qiymasi, 2 dona piyoz, tuz va ziravorlar  kerak bo´ladi.

Qaylasi uchun:5 dona kartoshka,4 dona mayda sabzi,1 dona piyoz, 3-4 dona sarimsoq piyoz,1 bo´lak mol go´shti, 3 osh qoshiq tomat, suv  va ziravorlar kerak bo´ladi.

Unimizni bitta idishga solib olamiz. Tuhumni chaqamiz va suvga tuzni solib aralashtirib un ustiga quyib hamir qoramiz.

Hamir qorib olgandan so´ng tindirish uchun selofan bilan  o´rab olib qoyamiz.

Qiymaga piyozni qirg´ichdan chiqarib qo´shamiz va ziravorlar solib yahshilab aralashtiramiz.

Hamirni yoyib biror qolib yordamizda hamirlarni yumaloqlab kesib chiqamiz. Qiymani o´rtasiga solib tugib chiqamiz

Tayyor chuchvaralarni mantiqozonni yog´lab terib o´rta olovda 35 daqiqa pishirib olamiz.

Endi qaylasini tayyorlashni boshlaymiz. Barcha mahsulotlarni maydalab to´rtburchak qilib to´g´rab olamiz.

Eng avval yog´ni solib go´shtni qizargunga qadar qovuramiz. Keyin piyozni qizargunga qadar qovuramiz. Qolganan barcha masalliqlarni solib tuz sepamiz va yahshilab qovuramiz. 1,5 litr suv quyib 1 soat davomida qaynatib pishirib olamiz.

Pishgan chuchvaralarni idishga suzib olib ustidan tayyor bo´lagan qaylani quyib dasturxonga tortamiz.

Spread the love

Fikr bildirish

Email manzilingiz chop etilmaydi.

This site uses Akismet to reduce spam. Learn how your comment data is processed.